My Book, Uncategorized

Holi


Holi ka tyohaar abhi abhi nikla hai par na jane kyu har baar ki tarah kuch adhura sa lga is baar. Har rang me tumko dhundne ki koshish ki, tum kehte the na ki laal mujh par bhot fabta hai aur ittefaaq to dekho lga bhi gulaal wahi. Jane kyu itne sare rango mein ek laal hi sabse hat kar dikh rha tha. Khud ko ayene me dekha to paya ki tum sahi the, laal rang sach mein bhot jachta hai. Par humesha ki tarah tumhara subah subah phone ni aya, humesha ki tarah tumne badhaai nahi di, humesha ki tarah tumne nahi kaha ki, “Moti, kuch mithai bacha lio mere liye.”
Shayad kuch bacha hai humare beech, shayad ek naata hai jo chah k bhi nahi toot-ta. Shayad isiliye tumne call kia, ek baar nhi 7 baar par na jaane kyu himmat nhi hui tumse baat krne ki. Kyu karu main tumse baat, jab tumko meri zarurat hogi tb aaoge aur jab mann krega chale jaoge. Tumne hi usko chuna tha, tumne hi mera rasta chodha tha na to fir ab kyu? Kyu un ghav ko gehra karne ajate ho?
Jante ho na ki tumhare pyaar se kahin zyada humari dosti ka mahatv tha mere liye. Tumhe mujhse behtar pyaar mila maine seh lia, maine sab zindagi ka hissa bna lia, maine is badmaash mann ko bhi mana lia, mushkil tha par kia. Fir kyu tum ek baar fir is banjar dil ko baarish ki aasha dena chahte ho? Kyu mujhe uljha ke rakhte ho?
Jawaab to zindagi ne kabhi nahi diye to fir iska bhi hal milna mushkil lagta hai.Shayad wo upar se dekh rha, shaayad wo bhi samajh nahi paa rha ki aakhir kia bhi jaye to kya. Shayad is waqt humara milna sambhav nhi par kabhi na kabhi milenge zarur, kabhi kisi dusre janam mein! Tab tak ke liye apna khayal mere sabse pyaare dost…
Tumhari shayad ab apni nhi rhi..
Kritika
#Badromance

3 Comments

Leave a Reply